Stevensweert - 23 januari 2022 - Het bestuur van VV de Leefhöbbers uit Stevensweert heeft bekendgemaakt dat "gezien de huidige situatie en de daarbij geldende beperkingen besloten is om de (fysieke) acitiviteiten voor de rest van het seizoen te schrappen." Wel wordt het 'Waazelblaad' uitgebracht en ook zal prins Noël I op 12 februari de trekking van de loterij voor zijn rekening nemen. Het hele bericht (in het dialect):
"Bèste Leefhöbbers en Leefhöbberinnekes,
Gezeen de huidige situatie en de daobie geljende beperkinge höbbe weer beslaote ôm ooze (fysieke) activiteite vueër de res van ‘t sezoen aaf te lasse.
Ôndanks dit vervaelende berich zeen weer verheug waal te moge melje det dit sezoen waal ein ‘Waazelblaad’ wurd oetgebrach! ‘t ‘Waazelblaad’ zal op zaoterdig 12 fibberwarie 2022 hoes aan hoes verkoch waere (es de op det moment geljende regels ‘t toelaote).
Auch zal prins Noël I op 12 fibberwarie 2022 de trèkking van de laoterie doon. De oetslaag hievan wurd vervolges via Facebook, de website en ‘t Waekblaad bekènd gemaak.
Via deze waeg wille weer gaer al ooze sponsore hertelik danke vueër hun biedrage!
Weer haope van ganse herte det weer same mèt prins Noël I en zien gevolg ‘t volgende sezoen esnog eine sjitterende vastelaovend kènne veere!
Vueër noe, blief gezôndj en lèt op ein zoeadet weer ôs haopelik snel weer gezôndj taegekômme.
Alaaf,
Bestuur S.C.S. De Leefhöbbers"
Afbeelding DeltaLimburg.nl
230122/HvL
