img

DeltaLimburg.nl

Hèt informatieve (nieuws)platform voor Midden-Limburg.

6-1-2021 09:50

Vastelaovesäöverlaevingspakket CV De Sjansemaekers

Roggel - 6 jannewari 2021 - Väöl miense zölle de komendje vastelaovendj aangepastj, missjien waal thoes of örges mèt vrinj gaon vere. Daorom höbbe wae, as CV de Sjansemaekers in samewèrking mèt diverse óngernemers, ein vastelaovesäöverlaevingspakket samegestèldj, zoeadet gae de vastelaovendj op ‘n sjoean en veilige meneer kèntj vere. Vastelaovendj vere, zónger ‘n virus op te loupe, behalve ’t vastelaovesvirus zelf den.

img

Gae höbtj de keus oet de volgendje drie pakkette:
 
Roead: ein pakket väör miense die mèt de vastlaovendj normaal ein paar daag gaon. Ein roead pakket kostj €22,-.
 
Gael: ein pakket väör miense die mèt de vastelaovendj normaal miërdere daag gaon. Ein gael pakket kostj €33,-.
 
Greun: ein pakket väör miense die mèt volle teuge wille genete vanne vastelaovendj. Ein greun pakket kostj €44,-.
 
In eder pakket zitj get väör de inwendige mins en get óm thoes te versere, mer ouch sjoean vastelaovesspelkes óm de daag good door te kome. Woeabie gezagdj moog waere det gae mèt pakket Greun de vastelaovendj van släöteläöverdracht tot de waever zöltj belaeve.
 
Gae kèntj eur pakket bestèlle door ’t gekaoze bedraag äöver te make op NL77RABO 0144 2165 23 tnv CV de Sjansemaekers, ónger vermeldjing van eure naam, adres en woeanplaats. Vergaet neet óm eur pakketkläör aan te gaeve.
 
Bestèlle kèntj gae tot 18 jannewari, daonao geit ‘t echt neet miër!
 
De vastelaovesäöverlaevingspakkette waere bezorgdj in ’t weekend van 30&31 jannewari 2021. De vastelaovesäöverlaevingspakkette höbbe we mèt väöl plezeer en belangeloos väör uch samegestèldj. En, wae blieve verbónje, ouch op aafstandj.
 
C.V. de Sjansemaekers

Tags
Wellicht interessant