Roggel - 14 december 2021 - Nadine Alofs uit Roggel en raadslid van het CDA Leudal, heeft te kennen gegeven dat ze in maart 2022 na acht jaar afscheid neemt van de Leudalse gemeentepolitiek. Als raadslid heeft ze als specialisme het Sociaal Domein. Haar lijfspreuk: 'De vereniging: het fundament onder een ‘gezonde’ samenleving!’ Haar volledige bericht (in het Limburgs dialect) op haar FB-pagina:
"Nao 8 jaor stop ich in miërt 2022 mèt de Leudalse gemindjepolitiek.
Op de iërste plaats omdet 8 jaor bèst 'nne lange tied is (miër den 'n kwaart van mien laeve in eder geval). 't Is mien äövertuuging desse neet te lang oppe zelfdje plaats mos blieve zitte, ouch neet inne raod (hint ). Nuuj miense beteikentj nuuj ideeje en det is allein mer good.
Daonaeve is tied mer eine kiër te vergaeve en kèn ich 't raodswerk neet miër mèt mien baan, opleidinge, vereniginge en anger aafspraoke combinere. As ich den mót keze tusse de raod en 'mien' vereniginge, den is die keus, ondanks det ze dök neet mekkelik is gewaesj, snel gemaaktj. Meziek make mèt kepel of hermenie, vastelaovendj veere, dörpskwisse inein dreije, jeugd traine, zelf 'n pötje volleye... 't verenigingslaeve in ós leef klein aardig dörpke steit väör mich op ein.
As lètste, mer neet oppe lètste plaats, is 't mèt 'n splintjernuuj hoes dalik ouch sjiek om regelmaotig 'nne aovendj aanne koeai te zeen (ich laot nog efkes in 't midde of det ouch echt geit lökke ).
Suukses aan 'n nuuj raod, mèt dao in haopelijk väöl nuuje gezichte (aod en jónk) en neet onbelangriek: miër vrouwluuj (7 op 25 is écht te min).
Bedanktj väör uch vertroewe, al uch stumme en eure feedback (zoeawaal positief als kritisch). Ich waardeerdje 't enorm en gaon d'r nog 3 maondj vol taegenaan. Hoije!"
Foto DeltaLimburg.nl/inzetfoto CDA Leudal
141221/HvL
